Skólaferðalag

Þriðjudaginn 22. nóvember fóru nemendur á yngsta- og miðstigi Grunnskóla Raufarhafnar og Öxarfjarðarskóla í skólaferðalag til Akureyrar.

Byrjað var á að fara á pizzuhlaðborð á Bryggjunni og því næst lá leiðin í Skautahöllina. Þar brugðu allir sér á skauta og var mikið fjör, þá svo að sumir væru að fara á skauta í fyrsta skipti.

Að því loknu var farið í Borgarbíó þar sem nemendur á yngsta stigi sáu myndina „Trolls“ eða Tröll. Nemendur á miðstigi sá gamanmyndina „Masterminds“. Allir fengu popp og gos og má geta þess að stjórnendur Borgarbíós voru svo elskulegir að sýna okkur þessar myndir utan hefðbundins sýningartíma svo krakkarnir kæmust tímanlega heim.

Á heimleiðinni var boðið upp á nesti og það voru þreyttir en glaðir krakkar sem komu heim um kvöldið.

Með í ferðinni voru Vigdís Sigvarðardóttir og Ann-Charlotte Fernholm, kennarar í Öxarfjarðarskóla og Olga Friðriksdóttir, kennari við Grunnskóla Raufarhafnar.  

Hér má sjá fleiri myndir