Verkefnið sem er á vegum Landverndar miðar að því að nota náttúruna í nærumhverfi skólans sem innblástur í að búa til listaverk. Við höfum hugsað okkur að gera steinskúlptúr þar sem hver og einn steinn táknar hvern og einn nemanda leik- og grunnskólans. Hér fyrir neðan má meðal annars sjá myndir úr fjöruferðinni og þá steina sem valdir voru til verkefnisins. Í næsta fréttakorni munum við sjá listaverkið fullgert. Í síðustu viku ákváðum við að setja sund á stundatöflu á miðvikudögum til að nýta okkur sundlaugina þó við höfum ekki sundkennara. Markmiðið er meðal annars að þjálfa nemendur í því að vera í vatninu og æfa þau sundtök sem þau eru nú þegar búin að læra. Leikskólinn er með í þessu og hafa allir gaman af. Nemendur miðdeildar hafa fengið tæknilegó til að byggja upp saman og er það afar vinsælt að grípa í. Í Lundi hafa nemendur verið að vinna að skemmtilegum verkefnum í hand- og myndmennt, svo sem vefnaði, teikna sjálfsmynd, sauma skrímsli o.fl. Þá hafa yngri deildar nemendur verið í heimilisfræði þar sem þau fræðast um hollt mataræði, hvernig skal leggja á borð og svo er bakað. Í íþróttum hafa þau verið í þrautabrautum og hópleikjum. Myndirnar hér að neðan tala sínu máli. Í félagsstarfinu á fimmtudögum er boðið upp á samveru við spil og leiki ásamt því að horfa saman á skemmtilegar myndir. Núna í vikunni verða foreldrasamtöl og eru foreldrar beðnir að fylla út haustkönnun með börnum sínum og koma með í samtölin.
Hér má sjá myndir úr starfi síðastliðinna tveggja vikna:
Athugasemdir