Verkefnið var að skapa skúlptúr úr náttúrulegum hlutum í nærumhverfi skólans og þar sem stutt er í fjöruna fórum við í fjöruferð og náðum í steina og rekavið. Við gerðum steinaskúlptúr þar sem hver og einn steinn táknar hvern og einn nemanda leik- og grunnskólans. Svo bjuggum við til myllu úr rekaviði og máluðum á steina, annars vegar kött og hins vegar mús.
Börnunum gefst nú tækifæri til þess að taka þátt í áhugaverðum og skapandi menningarverkefnum á vegum List fyrir alla. Verkefnin eru
· Sögur - 1. – 7. bekkur
· Handritin til barnanna - 5. – 6. bekkur
Nemendur hafa allir ákveðið að einbeita sér að sögugerðinni og eru mislangt á veg komnir með þær. Valnefnd velur úr innsendum sögum og handritum sem unnið verður úr og þær lifna við á sviði, í stuttmynd eða í tónlist.
Leikföng fyrir skólann
Keypt voru alls konar leikföng í skólann s.s. plús plús kubbar, tæknilegó, spil og seglar. Nemendur eru hæstánægðir með að fá tæknilegó til að vinna að í sameiningu.
Bleikur dagur 16.október
Á bleika deginum 16.október eru landsmenn hvattir til að klæðast bleiku til að sýna þeim konum sem greinst hafa með krabbamein samstöðu. Það gerðum við í okkar skóla og fallegur bleikur bjarmi var yfir nemendum og starfsfólk
Teiknisamkeppni
Öllum nemendum 4.bekkjar á Íslandi er boðið að taka þátt í teiknisamkeppni í tilefni af skólamjólkurdeginum. Aðeins einn nemandi er í 4.bekk við skólann en hann tekur að sjálfsögðu þátt og er byrjaður á sinni mynd.
Orð af orði
Í miðdeild erum við að lesa bókina Galdrastafir og græn augu og fjallar hún um Svein 14 ára strák úr Kópavogi sem ferðast aftur í tímann, allt til ársins 1713. Þar kynnist hann jafnöldrum sínum, sveitalífinu og ekki síst galdraprestinum Síra Eiríki í Vogsósum sem hann þarf á að halda til að komast aftur til framtíðarinnar. Við notum efnivið bókarinnar í að efla orðaforða og ritun ásamt því að vinna með bókmenntahugtök. Sögunni eru einnig gerð skil á myndrænan hátt.
Skólasund
Síðustu vikur hafa nemendur haldið áfram þar sem frá var horfið í sundkennslunni í Lundi. Við nýtum okkur sundlaugina hér á Raufarhöfn og eru það bæði leik-og grunnskóladeild sem fara ofan í og æfa sig í vatninu.
Vetrarfrí
Vetrarfrí í grunnskóladeild hefst 23.október og er til og með 26.október. Næsti skóladagur er þriðjudagur 27.október í Lundi samkvæmt venju. Leikskólinn er opinn þessa daga.
Hér eru myndir úr skólastarfi liðinna daga
Athugasemdir