Grunnskóli Raufarhafnar

Fundur með skólaráði og foreldrum miðvikudaginn 22. apríl 2020 kl. 17:00 í fjarfundi (Zoom)

Mættir eru:

Hrund Ásgeirsdóttir skólastjóri, Olga Friðriksdóttir, Erla Rut Þorsteinsdóttir, Sigrún Björnsdóttir, Nanna Steina Höskuldsdóttir, Ingibjörg Hanna Sigurðardóttir og Birna Björnsdóttir sem ritar fundargerð.

Dagskrá:

1. Skóladagatal næsta skólaárs
2. Verkefni skólaráða (sjá https://www.reglugerd.is/reglugerdir/allar/nr/1157-2008 og handbók Heimila og skóla http://www.heimiliogskoli.is/wp-content/uploads/2017/06/Handb%C3%B3k-um-sk%C3%B3lar%C3%A1%C3%B0.pdf)
3. Skipulag skólaráðsfunda á næsta ári
4. Breytingar á skólastarfi v/ Covid-19
5. Samstarf við Öxarfjarðarskóla
6. Innra mat skólans – framkvæmd
7. Önnur mál

1.  Foreldrar hafa fengið sent skóladagatal og einhverjar umræður hafa farið fram á lokuðum hóp á facebook.  Hrund fer yfir „tvöfalda daga“ og hún hefur gert eina breytingu, sem er að færa þemaviku fram um eina viku.  Skóladagatal er samþykkt.

2. – 3. Verkefni skólaráða.  Ekki var boðaður samráðsfundur í haust en til stendur að gera bragarbót á því.  Því verður skólaráð boðað til samráðs í haust og Hrund langar að fara yfir t.d. skólareglur.  Einnig yrði boðaður fundur að vori.

4.  Hrund fer yfir tilmæli til skóla vegna Covid-19.  Ekki verður farið meira í Lund á þessu skólaári.  Ekki verður árshátíð nú í vor.   Spurning um hvað verður gert í sambandi við dillidaga.  Hugmyndir koma fram um „froðurennibraut“ og snjósleðaferð með nesti.  Rætt um að reyna að fara í snjósleðaferð þegar vel viðrar. 

5.  Samstarf við Öxarfjarðarskóla.  Hrund og Guðrún hafa óskað eftir sameiginlegu sundnámskeiði í haust og annan daginn yrði farið í Lund og hinn á Raufarhöfn.  Stefnt er að fara áfram 1x í viku í Lund næsta skólaár og fá list- og verkgreina kennslu þar ásamt íþróttatímum.

6. Innra mat.  Hrund finnur engin gögn um innra mat.  Setja þarf framkvæmdaáætlun um hvernig innra mat verður framkvæmt á næstu þremur árum.  Nánast ógjörningur er að framkvæma nafnlausar kannanir í svo litlum skóla,  frekar verði samráðsfundir með foreldrum.  Til stóð að það kæmi aðili að framkvæma ytra mat á skólanum nú í vor en því hefur verið frestað.  Gæti orðið næsta haust.

7.   Önnur mál.  Hrund hvetur foreldra til að svara könnun sem send var út.

Fundi slitið kl. 17:46