Lofthræddi örninn Örvar!

Við fórum á frábæra leiksýningu í Hnitbjörgum þann 10 nóvember. Sýningin er á vegum Þjóðleikhússins, og fjallar um Örvar örn, sem er svo skelfilega óheppinn að vera lofthræddur. Örvar þráir heitt að geta flogið óhræddur um loftin blá og með hjálp vinar síns músarrindilsins reynir hann að yfirvinna óttann.

Á sýningunni voru allir nemendur í leik- og grunnskóla Raufarhafnar, auk yngri nemenda og leikskólabarna frá Þórshöfn og Öxarfjarðarskóla. Það var svo sannarlega líf og fjör á sýningunni og nemendur og kennarar skemmtu sér konunglega!