Grunnskóli Raufarhafnar var settur þann 25.ágúst í sal skólans. Nemendur, foreldrar og starfsfólk mætti og fór skólastjóri yfir helstu atriði fyrir komandi skólaár
Skólaárið 2022-2023 verða 6 nemendur í 2. - 9.bekk og 4 leikskólabörn. Þrír nýir starfsmenn tóku til starfa nú í haust og einnig bættust við ný börn. Við bjóðum þau velkomin til okkar!
Áframhald verður á samstarfi við Öxarfjarðarskóla einu sinni í viku, á þriðjudögum. Þar fá nemendur einnig aðgang að tónlistar- og tónmenntakennslu frá Tónlistarskóla Húsavíkur. Áframhald verður á samstarfi við árshátíð skólanna sem verður áfram sameiginleg og haldin í Hnitbjörgum í haust. Við verðum einnig í samstarfi við Rif rannsóknarstöð þar sem ætlunin er að vinna sameiginlegt þemaverkefni sem tengist fuglum í nærumhverfinu. Farið verður í vettvangsferð á Melrakkasléttu undir stjórn Pedro Rodrigues sem mun sjá um fræðslu fyrir nemendur og kennara og taka að sér leiðsögn.
Í vetur verður megináhersla lögð á lestur og læsi ásamt upplýsinga- og tölvutækni og mun kennari á Raufarhöfn verða hluti af kennarateymi Öxarfjarðarskóla og innleiða tækni m.a. til fjarvinnu og fjarkennslu.
Við hlökkum til vetrarins og óskum eftir góðu og gefandi samstarfi við heimilin með vellíðan og velgengni nemenda að leiðarljósi
Athugasemdir