Í gær fórum við í vettvangsferð ásamt nemendum og starfsfólki Öxarfjarðarskóla út á Melrakkasléttu og í fjöruna í tilefni af degi íslenskrar náttúru. Pedro Rodrigues líffræðingur á móti okkur í en hann er forstöðumaður Rifs rannsóknarstöðvar á Raufarhöfn. Hann fræddi okkur um vistkerfið og líffræðilegan fjölbreytileika við Raufarhöfn þ.á.m fugla en við höfum undanfarnar vikur verið að fræðast um fugla í fuglaþemaverkefni. Þá ræddi hann um það hvernig hnattræn hlýnun hefur áhrif á lífríkið almennt, bæði gróður og dýralíf. Farið var út á Melrakkasléttu þar sem við sáum nokkra fugla og talsvert af sel. Nemendur skráðu hjá sér það sem fyrir augu bar og Pedro leiddi okkur í allan sannleika um sjófugla sem eru algengir við Raufarhöfn. Eftir hádegið var farið niður í fjöru og lífríkið þar skoðað. Samveran var skemmtileg og ekki skemmdi veðrið sem var upplagt að nota í að hoppa á ærslabelgnum og spila fótbolta á sparkvellinum. Við erum þakklát fyrir samstarfið við Rif sem á eftir að verða meira í framtíðinni.
Hér eru nokkrar myndir úr ferðinni:
Athugasemdir