Allt

Þann 26. september var Evrópski tungumáladagurinn og að því tilefni skelltu nemendur í 8.-10. bekk sér út fyrir í góða veðrið og krítuðu "velkomin" á hinum ýmsu tungumálum á stéttina. Haldið hefur verið upp á tungumáladaginn frá árinu 2001 en þennan dag er lögð áðhersla á fjölbreytni tungumála í Evrópu og mikilvægi tungumálanáms. Dagurinn er haldinn hátíðlegur meðal 45 Evrópuþjóða.

Á haustdögum fengum við marimba hljóðfærasett í skólann. Árni, skólastjóri Tónlistarskóla Húsavíkur, og tónlistarkennararnir Steinunn og Lísa komu með hljóðfærin og sýndu áhugasömum nemendum. Steinunn og Lísa sjá um kennslu á marimba hljóðfærin í vetur fyrir 1.-5. bekk annars vegar og 6.-8. bekk hins vegar.

Kvenfélagið Freyja gaf leikskólanum Krílabæ veglega dúkkugjöf snemma á haustdögum. Krakkarnir urðu að sjálfsögðu himinlifandi með nýju dúkkurnar og fylgihlutina og brostu út að eyrum þegar gjöfin var afhent - og brosa reyndar enn. Kvenfélagið Freyja fær kærar þakkir fyrir þessa góðu gjöf.

Snemma í haust fékk leikskólinn Krílabær veglega gjöf frá Kvenfélaginu Freyju. Um var að ræða þrjár dúkkur með tilheyrandi búnaði. Dúkkunar vöktu að sjálfsögðu mikla gleði meðal nemenda Krílabæjar.

Nemendur í 8.-9. bekk fóru um bæinn og tóku myndir í tengslum við verkefni sem þau eru að vinna í ensku og dönsku.